LUDOJ EN ESPERANTO
|
|
Esperantigis Miĥail Povorin |
Per la bildo 
estas markitaj "fleŝaj" ludoj (kreitaj helpe de "Macromedia Flash".
Se vi ne havas programon por uzi ilin, post klako sur la ligo aperos invito elŝuti kaj samtempe instali ĝin.
Tio daŭras nur kelkajn minutojn eĉ kun ne tre rapida modema konekto.
Se apud ludo ne estas ligo ("Elŝutu la ludon"), sekve, ĝi konsistas nur el unu dosiero. Simple savu ĝin.
La bildo 
signifas, ke tiu ludo estas laŭ mia opinio speciale narkota. VI ESTAS AVERTITA!
La bildo 
indikas, ke mi aktualigis la ludon: plibonigis kaŭ (= kaj/aŭ) korektis.
"Rebuso estas ludproblemo, en kiu la vortoj de frazo estas prezentitaj en formo de desegnitaj objektoj, kies nomoj samsonas (aŭ eĉ similsonas, kiel la divenotaj vortoj aŭ vortsilaboj." (Vikipedio)
La celo de la ludo estas forigi ĉiujn brikojn, saltante sur ilin. 29 niveloj, kreskanta malfacileco. Ĉu vi sukcesos solvi ĉiujn nivelojn?
Kompilu liniojn el kvin aŭ pli da samkoloraj globetoj kaj akiru maksimumon da poentoj. Mi delonge volis traduki kaj aldoni tiun nuntempe famegan ludon. Jen finfine ĝi pretas!
Konata ludo: vi kaj la komputilo prenas 1, 2 aŭ 3 lastajn alumetojn el vico tiel, ke la rivalo prenu la plej lastan. La maŝino ludas mirinde bone! Ĉu vi sukcesos eltrovi ĝian sekreton?
Antikva rusa ludo. Via tasko estas movi ĉiujn viajn diskojn el unu angulo de la ludtabulo en ĝian kontraŭan angulon laŭeble plej rapide.
Ludo, tre simila al la fama "dekkvin", kun la avantaĝoj, ke eblas, unue, agordi la grandecon de la luda tabulo de 3 × 3 ĝis 10 × 10, kaj due, movi samtempe kelkajn kvadratojn.
Ĉu viaj nervoj estas fortaj? Ĉu vi ne timas sangon? Simpla, sed amuza kaj bela ludo. Vi devas... ne, havas la ŝancon mortbati kulojn, flugantajn tien-reen, kaj ne lasi ilin pligrandiĝi.
Malordigu pecojn de distranĉita bildo, kaj poste provu reordigi ilin.
Nekutima ludo, 40 niveloj! Movu aŭtojn, kiuj blokas vian aŭton, por ke ĝi povu eliri ekster la ludan placeton. Ofte tio ege malfacilas!
Ĉu vi estas sufiĉe lerta? Jen fama ludo: provu rompi per fluganta globeto ĉiujn brikojn, sen lasi la globeton fali pli ol dufoje.
Penu okupi la tutan ludtabulon per kvadratoj de via koloro. Klaku malplenajn kvadratojn ĝis kelkfoje. Se vi klakos iun kvadraton tro multe, ĝi... eksplodos! Tamen ne timu: eble tio ne tro malbonas.
Vi scias, kio ĝi estas. Se vi volas scii pli, vidu sube la regulojn de diversaj variantoj de damludo.
Alia varianto de damludo, pli "saĝa", kun ebleco diversmaniere agordi la ludon kaj reveni al antaŭaj movoj.
Via komputilo estas tre saĝa, ĉu vi ne sciis tion? Memorfiksu ludkarton, kaj kun iomete da via helpo ĝi divenos ĝin. (D-diable! Kiel ĝi faras tion?..)
La ruza komputilo havas en la kapo... (pardonu: en la memoro) nombron. Provu diveni ĝin per limigita kvanto da provoj.
Plia ludo, kiun konas ĉiuj. Provu venki 3 ludantojn, kiujn imitas la komputilo. Estas ne tiom facile, kiel vi pensas!
Fama kartludo. Oni donas al vi ludkartojn, kaj vi strebu akiri maksimumon da poentoj, sed ne pli ol 21.
Vi havas pesilon, kaj via tasko estas nur ekvilibrigi ĝin. Jes, nur! Sed...
Via tasko estas malplenigi la tabulon, saltigante unu kejlon super alia, tiel, ke fine restu nur unu kejlo.
Ludu kun formikoj, kiuj alrampas de ĉiuj flankoj kaj strebas kapti vian kursoron.
Senkompromisa ludo: remio ne eblas! Ĉi-foje la luda tabulo konsistas el sesangulaj ĉeloj. Kiu ludanto pli frue konstruos linion el ĉeloj de sia koloro?
Ne, tio ne estas parodio pri Usono: pri Pentagono tute ne temas. Simple la ludkampo ĉi-okaze konsistas el sesangulaj ĉeloj. Movante viajn gemojn, provu okupi pli da ĉeloj ol la komputilo. Eblas ludi duope. Tre bela ludo, unu el la plej bonaj ĉi-tie!
Kiel la fama tetriso. Tamen la falantaj figuroj konsistas ne el kvadrataj ĉeloj, sed el sesangulaj. Multe pli da eblecoj sukcesi! Aŭ malsukcesi...
Vi devas... ne: vi rajtas provi diveni la kombinaĵon de koloraj globetoj kaj per tio "rompi kodon". La ludo estas multmaniere agordebla, kio tre variigas la gradon de ĝia malfacileco.
Strategia ludo. Via laboro estas vojaĝi tra diversaj urboj de Usono, aĉeti alkoholaĵojn kaj vendi ilin aliloke por profito.
Trovu parojn de samaj bildoj sur ŝaksimila tabulo laŭeble plej rapide.
Klasikaĵo: metu krucojn sur ludotabulon 3 x 3, kaj la komputilo metos nulojn. Kiu okupos plenan linion per 3 krucoj aŭ nuloj?
Vicigu kvin krucojn sinsekve horizontale, vertikale aŭ diagonale pli frue ol la komputilo vicigos kvin nulojn.
Kion diri? Tre nature funkcianta simulaĵo de la mondfama puzlo.
En tiu nekutima ludo gajnos tiu, kiu sur tabulo 4 × 4 la unua konstruos vicon el 4 figuroj, havantaj almenaŭ unu komunan econ: la internan koloron, la eksteran koloron, la formon aŭ la grandecon. Unuavide simpla tasko, sed efektive sufiĉe malfacila...
Mi planas iom post iom krei kaj alŝuti originalajn kvizojn. Dume jen proverbaj kvizoj 1 kaj 2, sed mi havas ankaŭ aliajn ideojn.
Diluvo! Vi estas Noa, la savonto de la vivo sur nia planedo, kaj vi nepre savos ĝin! Sed komence vi devas cerbumi, kiel meti animalojn en vian arkeon...
Ĉu vi bone orientiĝas en labirinto? Se vi ne timas perdi la vojon, provu tiun negrandan, sed tre realecan ludon kun diversaj niveloj de (mal)facileco.
Tajpu la jaron de via naskiĝo kaj eksciu vian beston laŭ la ĉina horoskopo.
La komputilo divenos nombron, kiun vi pense elektos.
Donu ĉu-formajn demandojn al la komputilo pri via sorto, kaj ĝi respondos.
Klaku grupojn de samkoloraj globetoj kaj ricevu maksimumon da poentoj.
Fama orienta ludo: ĉu vi sukcesos movi diskojn, metitajn piramide sur stangon, al alia stango?
Sufiĉe simpla, sed bone farita ludo. Vi estas piloto, via tasko estas mallevi vian kosmoŝipon laŭvice sur diversajn placetojn. Ĉu vi sukcesis? Sed kiom rapide? Mia persona rekordo estas 1 minuto 27 sekundoj. Jes, mi ne perfektas...
Fama orienta ludo: dum 15 minutoj provu forigi popare maksimumon da kartetoj, metitaj piramide.
Malnova afrika ludo, nekutima, multmaniere agordebla. Du ludantoj movas fabojn laŭ rondo, iom post iom prenante ilin al si. Kiu fine kolektos pli da faboj?
Dronigu la malamikan ŝiparon pli frue, ol li dronigos la vian.
"Esperanto servu pacon!" Finfine jen la fama vindoza ludo en Esperanto. Trovu ĉiujn minojn!
Nekutima ludo por du ludantoj. Multigu viajn globojn kaj bloku la rivalon antaŭ ol li faros la samon!
Se vi nervumas, provu tiun ludon: simple movu la kursoron kaj vidu, kio okazos.
Tute unika ludo, al nenio simila. Sur la ekrano ĥaose turniĝas ringoj, en kiuj vi devas laŭeble plej rapide vidi ciferon kaj premi la koncernan butonon.
VERA PERLO! FINVENKISTOJ NEPRE NE PRETERLASU TIUN LUDON! CETERE, EBLE ANKAŬ RAŬMISTOJ ĜUOS.
La celo de la ludo estas ĉirkaŭi kvadratojn sur la luda tabulo kaj per tio okupi pli multe da kvadratoj ol la komputilo. Pensu bone, ĉar ĝi estas ruza!
Strebu trafi sage aperantajn balonetojn kaj ricevu pro tio plusajn poentojn. Sed ne trafu senkulpajn bestojn: vi ricevos duoble pli da minusaj poentoj... Estas juste: la naturon endas gardi!
Simulilo de pafejo kun moviĝanta celtabulo. Gravas pafi ne nur precize, sed ankaŭ rapide, kaj rapide reŝargi. La komputilo memoras viajn plej bonajn rezultojn.
Divenu vorton antaŭ kiam oni "pendumos" vin.
Tute unika (filozo)fia ludo, sprite imitanta la realan vivon kun ties soroj kaj faloj...
Ĵetu kubetojn, akiru certajn kombinojn de nombroj sur ili kaj ricevu poentojn.
Levu diverskolorajn stangetojn, dismetitajn senorde, laŭeble plej rapide.
Animacia puzlo por ifanoj, tre bela kaj kun bonaj sonoj. Tiru permuse bildojn kun subskriboj sur iliajn lokojn kaj vidu, kio okazos poste.
Kvar ludantoj ĵetas kubeton, strebante ricevi maksimumon da poentoj. Gravas bone pripensi la strategion de la ludo kaj... havi fortunon!
Amuzaj voremaj muzeletoj moviĝas laŭvice sur la ludtabulo. Ĉiu strebas formanĝi la rivalon kaj ne esti formanĝita.
Nekutima cerbumilo: turnu rondojn kun diverskoloraj fiksitaj al ili globoj por ordigi la numerojn sur la globoj.
Malgranda, sed tre efika ludo por evoluigi la memorkapablon. Konata ankaŭ kiel "Semaforo".
Ĉu vi povas diri "tenejgardisto" japane? Se ne, nepre provu tiun faman ludon. Via tasko estas movi kestojn en labirinto al iliaj lokoj. 90 (!) niveloj kaj la ebleco reveni al iu ajn el la centoj de viaj movoj.
Trankvila kartludo, en kiu ne necesas pafi, kuri, premi butonojn kun freneza rapideco, riski malgajni monon, strebi fari la rivalon "stultulo"... Nur vi kaj la kartaro, senpasie honesta. Provu, vere bela ludo!
Klasikaĵo: montru fingre unu el la tri objektoj samtempe kun la komputilo. Kiu gajnos?
Testu vian kapablon manipuli la muson. Kiom da kvadratoj vi povos marki per "v" dum 20 sekundoj?
Klasikaĵo: turnu kaj metu ĝustaloke falantajn diverskolorajn figurojn el kvadratoj por plenigi tutajn horizontalajn liniojn kaj akiri poentojn.
Ĉi-foje via tasko estas transporti vunditajn soldatojn per boato trans riveron. La problemo estas, ke por ĉiuj ili samtempe ne sufiĉas loko en la boato...
Aranĝu 9 kvadratojn kun koloraj pecoj kaj vidu bildon. (Mi ne sukcesis!)
Trovu dum limigita tempo en homamaso unusolan homon, kiu ne havas klonulon.
Vi estas detektivo. Esplordemandu homojn kaj trovu murdiston-maniulon.
Vi estas vermo... Ne, tio ne estas insulto! Temas jen pri kio: imagu vin manĝema vermo. Tiom manĝema, ke vi foje mordas vin mem...
Alia versio de la ludo "Vermo", kiun afable sendis al mi la kreinto mem por esperantigo. Diversaj manĝaĵoj kaj fortiga akvo por la vermo, reto, ebleco laŭdezire eliri en la sekvan nivelon, la komputilo memorfiksas vian nomon kaj la plej bonan rezulton.
Memorfiksu vizaĝon, kaj poste provu rekonstrui ĝin.
Kelkaj vere bonaj ludoj kun diversaj niveloj de malfacileco, en diversaj lingvoj, interalie ankaŭ en Esperanto. Vi povas savi viajn rezultojn por ludi poste. La nomoj de ĉiuj, kiuj solvis la lastan nivelon, aperas en listo.
Tajpu vorton, kaj la komputilo helpos trovi ĉiujn anagramojn el ĝiaj literoj.
La celo de tiu bela ludo estas meti ĉapelojn super la literoj, kiuj bezonas ilin.
Priskribo de diversaj variantoj de damludo.
En la TTT-ejo de la fama ĉina esperanta revuo estas, interalie, tre interesa ludejo.
Dissendolisto. Aliĝu kaj ridu kun aliaj samideanoj!
Interaktiva lernilo pri la fama japana ludo "igo" kun multaj ekzemploj.
En kriptogramo literoj anstataŭas aliajn literojn. La tasko estas deĉifri la tekston, kiu kaŝas sin malantaŭ la kriptaĵo.
Utila TTT-ejo, kie estas, interalie, bildkartoj, amuzaj fotoj, komiksoj ktp.
Tre belaj originalaj esperantaj krucenigmoj el Brazilo.
Fakte, tio estas ne ludo, sed amuzaĵo por tiuj, kiuj ŝatas krei propramane ion belan. Provu, kial ne?
Dissendolisto. Ĝia nomo klare priskribas ĝian temon.
Reta gazeto (pardonu: gaseto). Senpaga, sed ne senpuga...
Lingva tetriso: kunmetu vortojn el falantaj kvadratoj kun literoj.
