Antaŭa rakonto
Antaŭa rakonto

Listo de la rakontoj
Listo de la rakontoj

Sekva rakonto
Sekva rakonto



LEDAJ NUDPIEDŜUOJ

Al hipopotamido Bulketo oni donacis nudpiedŝuojn. Por ĉiu piedo – unu nudpiedŝuon. Novan. Knarantan. Kaj ledan. Elefantido Lus vidis la novaĵon ĉe la hipopotamido kaj petis:

– Permesu al mi porti ilin iomete.

Bulketo forprenis siajn nudpiedŝuojn kaj diras:

– Prenu. Iradu iom, kaj poste redonu al mi.

Kaj tiam ĉiuj bestoj diris:

– Kiom bonkoras la hipopotamido!

Al la hipopotamido venis tigrido Striul, kaj ankaŭ ĝi petis:


– Permesu al mi porti viajn nudpiedŝuojn!

– Mi ne permesos! – la hipopotamido respondas. – Mi mem ilin bezonas.

– Mi iometete portos – kaj redonos, – la tigrido insistis. – Ĉu konsentite?

– Ne! Ne konsentite!

– Sed kial vi donis viajn nudpiedŝuojn al la elefantido?

– Ili ja estis tro malgrandaj por mi. Sed nun ili tute ne premas. La elefantido jam pligrandigis ilin!

– Do, oni malĝuste diris, ke vi bonkoras. Mi estos devigita, Bulketo, nomi vin avarulo... – tigrido Striul triste diris.

– Ne nomu min avarulo! – la hipopotamido ektimis. – Prefere portu iomete miajn nudpiedŝuojn – mi tute ne kontraŭas!

Hosted by uCoz