Mi sopiras vin

Muziko kaj vortoj de M.Povorin

Ree mi nenionfare solas
Post labora tago sur divan'.
"Blankalbumo"* sonas, min konsolas
En van'.
Ree la gitaron mi turmentas,
Sed ne venas nova melodi'.
Ĉu vi aŭdas, kiel koro plendas
Pri vi, vi?

R e f r e n o:

Kara, mi sopiras vin,
Kara, mi admiras vin,
Kara, mi aspiras vin,
Kiel rojo al river'.
Tempo kuras kun fervor',
Homojn pelas kun rigor'.
Tamen kredas mia kor',
Ke varmigos nin somer' post primaver'.

Mia mano mem skribilon prenas,
Post nelonge pretas jam leter'.
Kredu vi, ke ĉiuvorte enas
Sincer'.
Eble, pro la simplaj vortoj pasos
Grizaj nuboj de la miskompren',
La vizaĝon pro ridet' forlasos
Ĉagren'.

R e f r e n o.

*Angle: "White Album", albumo, kiun en 1968 faris "The Beatles", mia plej ŝatata rok-grupo.