Kantoj de Miĥail Povorin

    Kantoj devas soni, ĉu ne? Mi intencas sonigi ilin perkomputile, iom post iom kreante kaj publikigante MIDI- () kaj karaoke-()dosierojn, kiuj ambaŭ estas tre malgrandaj. Ĉu vi neniam vidis karaokeon en Esperanto? Vi povas tuj vidi, kiel tio aspektas ĉe mi. Por korekte vidi ĉapelitajn literojn, uzu taŭgan esperantan tiparon. Mi uzas Times Esperanto, kaj, se vi ne havas tion, vi povas elŝuti ĝin ĉi tie. Ĝin necesas kopii al la dosierujo Windows/Fonts kaj poste klaki per la dekstra musbutono kaj ordoni al "Karaoke Player" aŭ simila programo, kiun vi uzos (vidu sube) vidigi kantotekstojn per tiu tiparo. Por kelkaj kantoj vi povos trovi MP3-()dosierojn. MIDI-dosierojn vi devas aŭdi senprobleme, ilin kapablas sonigi Vindozo. Bezonatas nur almenaŭ plej simpla sonkarto.
    La karaokea formato, laŭ fidinda informo, estas ekzotika, ĉar sufiĉe specifa kaj/aŭ nova. Tio estas MIDI kun teksto, sinkronigita al la muziko per speciala programo kiel "KarMaker". Do, mi tute ne asertas, ke ĝi havas grandan artan valoron. MP3 dume estas nekomparebla kaj pro tio furoras. Sed la karaokea formato estas ne nur amuza, ĝi estas ankaŭ tre oportuna por prezenti kantojn rete eĉ al tiu, kies komputilo kaj modemo ne estas sufiĉe modernaj kaj rapidaj. Havu iom da pacienco provi ĝin, kaj vi ne bedaŭros!
    Eĉ programistoj ne multaj konas la dosieran sufikson ".kar".  Kaj eĉ mia antaŭa retprovizanto ankoraŭ ne agnoskas ĝin: responde al mia peto permesi alŝuton de la karaokeaj dosieroj oni sendis ŝablonan respondon, ke tiu dosiertipo estos permesita, kiam iĝos pli populara en la reto. Feliĉe, nun mi havas alian retprovizanton, kaj la problemo estas solvita. Do, ni esperantistoj havas eblecon ankaŭ ĉi-okaze esti progresemaj homoj spite al konservativuloj!
    Jen adreso, kie vi povos akiri la programon "Karaoke Player" por sonigi karaoke-dosierojn kaj "KarMaker" por krei ilin:
http://karaoke.ru/
    La paĝaro estas, bedaŭrinde, ruslingva, do, se necesas klarigoj, senhezite kontaktu min: povorin@yandex.ru. "Karaoke Player" etas senpaga nur por rusoj kaj, kredeble, dume ĉiuj ekssovetianoj (aĉa diskriminacio!): ili simple devas havi rusan tiparon por povi tralegi en "Readme" kaj uzi la registran kodon. Al dezirantoj mi povas sendi rusan tiparon, sed certe estus pli bone pagi. "KarMaker" estas pagenda por ĉiuj, tamen "shareware": eblas senpage testi.
    Krome, aliajn programojn por karaokeo en Esperanto kaj multajn dosierojn vi povas trovi, vizitinte la paĝaron de "Pinarbara Esperanta Grupo":
http://www.rantac.com.br/users/alls/

Agrablan aŭskultadon!

Hosted by uCoz